Ich ha dänkt, um euch alli ufem laufende z'halte (und vor allem um denn am Schluss nit alles miesse 50 mol z verzelle), leg ich do e Blog ah und bricht vo mine Erläbnis in Dänemark. Klar, es isch nit ganz so extrem wie e Ustuschjohr in Übersee, abr ich bi doch für e halbs Johr wäg (miteme kleine Wucheend-Ufenthalt am 1. März im Schwizerländli halt) und ich muess zuegäh, dasi rächt nervös bi.
Am Mäntig, dr 7. Januar fliegi ab und sag de Bärge Adiö um mi drfür am Meer z erfreue *muaha*

Jetz gits sicher no e huffe, wo nit wüsse, was ich genau dört mach. Jo ehm es isch sone Art Schuel...abr doch kei Schuel, mehr so kursartig. Läseds sälber noch uf grundtvigs.dk, ha das scho so oft miesse erkläre -->keen Bock mehr