Annika i Danmark

Drengene kæmper mod en tradition...og vinder!

-Shana- — 2008-05-24T14:06:00Z

Es isch unglaublich. Geschter isch öbbis ganz eigeartigs passiert. D Männer vo dr GHF hän ganz frech e 18 jöhrigi Tradtition broche. Si hän gege d Krischte vo dr LMH gwunne!!!!!!!!!!!!!
Mir lön jetzt mol dr 7-0 Verluscht vo dr Frauegruppe wäg und rede über die grandiosi Fuessballleischtig vo unserne Jungs.

Wie jedes Johr het widr dr Fuessballkampf gege die krischtlich, besser gseit Luther-Missionars Højskole stattgfunde. Die letscht 17 Mol het Grundtvigs immer verlore (was sehr worschinlich am weniger gsunde Lebensstil vo de letzschtere ligt...plus d Krischte hän Gott uf ihrer Site :P)

Dismol het abr dr Grundtvig ufklärt und de Krischte e Schutt ins Fudi gä. Beidi Gruppe sin wirklig sehr stark gsi und hän ufem gliche Niveau Fuessball gspilt. Usgange isch dr Match 2-1 für GHF, dank em Sune wo beidi Goal gschosse het. Das isch natürlig e Moment gsi wo au dr Vorstand (Jakob) extrem stolz gmacht het (dass er in sinere Amtszit e Sieg miterlebt)

Todmüed abr glücklich simmer denn geg dr Obe widr zrugg gloffe (jä mir sin alles glofffe, jä isch e extrem wite Wäg gsi) und hän denn dehei au nit lang Zit ka. Trotz Kopfweh und Müedigkeit hämmer uns miesse uf unseri Modeschau vorbereite. Dört hämmer nämlig unseri selber gnäite Kleider präsentiert. Das isch denn au super gloffe. Mit unserem Wanna-Be-Twiggy Make Up hämmer dr Vortragssaal ghörig igheizt (bsunders d Männer...hehe vor allem ich, mit mim ultrakurze Kleidli).
Kommentar noch de erschte Präsentatione: Wenn kunnt d Unterwösch? Die isch denn abr natürlig nit ko ;)

Nochher het d Filmproduktion ihri Film vorgstellt und mir hän miesse dr Beschit Film, beschti Schauspilerin, beschte Schauspiler und beschti Details wähle. Das isch denn e bitz langatmig gsi und d Resultat au nit wirklig noch minere Zfrideheit.

Hüt hämmer putzt und packt und gmacht und do. Die Schuel isch glaub no nie so aktiv gsi.
Haha und d Lotte und ich sin doch tatsächlich die erschte gsi wo fertig gsi sin. Scho am halb 1 hämmer d Ingrid könne unsers Zimemr checke lo und denn simmer eigentlig frei gsi.

Ajä hüt isch übrigens d Hcohzit vom Prinz Joachim und dr Marie (sehr witzig, si heisst glich wie d Mary und gseht au enorm ähnlich us wie si). Ich gang denn glaubs mol no bitz go Fernseh luege, muess jo schliesslig wüsse, was die guet Frau (isch übrigens e Französin, schön um das Königshus international z bhalte) füre Kleid ahet.

Et voilà
schöne Tag
Annika

d Anna

d Elfa

ich in mim Jupe

ich in mim Kleid

Mai, Maj, May

-Shana- — 2008-05-22T11:24:00Z

Also der Mai hat schon mal mit einem Knaller begonnen, nämlich als ich Philipp an seinem Geburtstag überrascht hatte. Ich werde sein gEsicht niemals vergessen, das er gemacht hat, als er mich gesehen hat.
Wir haben dann einige stressige, aber wunderschöne Tage miteinander verbracht. Der Höhepunkt war sein Geburtstag, als wir denn ganzen Tag in der Sonne gelegen haben und uns mit Champagner-Zmittag, Apéro und einem super Nachtessen haben verwöhnen lassen.

Zurück in Dänemark ging dann alles wieder seinen gewohnten Lauf, wenn auch mit einem ungewöhnlich genialen Wetter. 3 Wochen lang hatten wir pausenlos Sonnenschein und konnten im Garten rumliegen.

Am Samstag des Pfingstwuchenendes ging ich zusammen mit Elfa und Astrid nach Kopenhagen in den Ausgang. Das hat aber weniger gut geklappt, als wir uns dann vorgestellt haben. Endlich beim Club Vega, von dem alle immer schwärmen, angekommen, mussten wir feststellen, dass es ziemlich langweilig war, das Durchschnittsalter einiges höher und die Preise der Getränke gnadenlos überteuert waren.

Ein anderes Highlight im Mai war unsere Kanutour. Am Pfingstmontag gingen wir alle nach Lyngby und mieteten für 6 Stunden Kanus. Es war einfach ein perfekter Tag. Die Sonne schien, aber es war nicht zu heiss, denn konnten wir unser Picknick auf einer riesigen Wiese geniessen und das Kanu-Fahren war unglaublich witzig.

Letzten Freitag hatten wir eine Art Abschiedsfest für die Amerikaner, die uns leider letzten Sonntag verliessen. Auch das war sehr emotional, sie sind uns nämlich sehr ans Herz gewachsen und gewisse Kontakte werden mit Sicherheit bleiben.

Am Samstag war Familientag, wo wir all unsere Produkte ausgestellt haben und Rytmisk Sammenspil hat natürlich noch ein Konzert gegeben. Ist wieder einmal super angekommen. Jaja und ich werde das Musik-Machen vermissen ;).

Und nun nähern wir uns auch schon dem Ende des Aufenthalts zu. Wir befinden uns jetzt in der letzten Woche, deshalb herrscht auch ein wenig Sonderprogramm. Heute mussten wir einen reisigen Evaluierungs Bogen ausfüllen, morgen ist der berühmt berüchtigte Fussballmatch GHF gegen LMH (Lutheransk-Missionærs-Højskole). GHF hat seit 17 Jahren immer verloren (liegt wahrscheinlich daran, dass man auf einer christlichen Højskole nicht trinkt und mehr danach strebt seine innere Ruhe zu finden :P). Wir können also gespannt sein, wie es dieses Jahr wird.
zudem ist morgen noch unsere Modeschau, zusammen mit der Oscar Nacht (Filmproduktion stellt ihre Filme vor)

Am Samstag kommt dann der harte Tag: Aufräumen, Putzen, Packen. Abends gibt es dann ein Gala-Fest. Ich seh schon jetzt wie emotional das Ganze wird, schliesslich ist es unser letztes gemeinsames Fest.

Am Sonntag ist das Verabschiedung von den Lehrern und von denen, die nicht mit in die USA fliegen.

Und nächsten Dienstag geht es auch schon ab overseas. Wir freuen uns ;)

Soviel zu meinem Programm. Unten noch diverse Fotos.

Knus
Annika

Abends in Kopenhagen

ebenfalls in KBH

ich am Paddeln

Astrid am Paddeln

Lincoln, Astrid und ich am American-Good-Bye Fest

Mein Kleid, das ich am Familientag ausgestellt habe

unser Konzert, dass wir ebenfalls am Familientag gaben

Fremtidens Weekend

-Shana- — 2008-04-30T09:49:00Z

Letscht Wuchenend hämmer widr mol aktivitätswuchenend ka. S Thema isch gsi Zuekunft, genauer gseit d Wält im Johr 2065.
Zerscht hämmer in Gruppe miesse e Frogeboge usfülle, so wie mir uns d Zuekunft vorstelle.

Zerscht hämmer e weniger idyllischi Version ka, dass China d Weltherrschaft übernoh het und d Menscherecht offiziell abgsetzt het. Vo dem hämmer uns denn aber verabschidet und hän unseri endgültigi Zuekunftsvorstellig gstaltet: Länder gits keini meh...nur no Firme. Cooporations füehre d Wält, alles isch ei grosse Wirtschaftshuffe. Länder existiere no in sofern, dases Firmestandortsin, me se aber beliebig ka umeverkaufe und Teil vo Länder verkaufe. Es het au e dritte Weltkrieg gä im Johr 2045...abr e Wirtschafts-Weltkrieg.
Afrika isch e absoluti Sperrzone. DBEwohner sin sozusage usgstorbe...Gstorbe an Hungersnot, Aids und anderne Krankete und Süche. E Todesstrof gits nüm. DHögschstrof isch jetz e Einzelbilett noch Afrika, was mitere Todesstrof glichzsetze isch.
Usserdem wird dr Atommüll inzwüsche au uf Afrika abglegt, do dr vorherige Ort, Grönland, überfüllt isch und sowiso am schmelze isch wäg dr globale Erwärmig.
Positivi Sache sin dr ultimativi Luxus, wome durch alli neue Technologie erworbe het. Zu dem kumi denn spöter.
Ein vo de agsehenschte Brüef isch näbe Dolmetscher und Gschäftsmaa, Awalt. Die vile Firmene wo jetz d Wält stüüre bruche schliesslig ihri Lüt, wo se ufem rechtsweg verteidige, do immer no e bitz e kalte Krieg herrscht zwüsche allne Cooporations.

D Weltreligione existiere no, abr hän keinerlei Bedütig me, wenns um s Weltliche goht, sin nur no zur individuelle Erfüllig bestimmt. Kirche het me keini reale me. Amene Sunntig goht dr guetgläubigi Christ ine online Kirche (er ka sich dört au sini Predigt selber wähle und für alti Mensche erübrigt sich dr müesami Wäg...Isch doch praktisch!)

Am Nomitag het denn jedi Gruppe e individuelli Ufgob beko. Mir (dh ich, dr Rune, d Majbrit und d Sara) hän miesse Möbel und anderi Produkt vo dr Zuekunft designe.
Mi Wärk isch e Traum-Bett. Bevor me ins Bett goht, wählt me zerscht mol was füre Traum me will ha: Liebes-Traum, Alptraum, Abentüür-Traum, etc.
Durch elektrische Kontakt wärde denn genau die richtige Hirnregione agregt, damit me au s Gwünschte träumt. Do me immer no oft sini Träum vergisst, het me e sogenannti Närve-Kamera. E Kamera wo d Gedanke ka filme. Am nögschte Tag ka me sich denn ganz bequem si eigene Traum ufeme integrierte Hologramm Bildschirm aluege. Das Traum-Bett koschtet 10'000 Globo (e welteinheitlichi Währig).

Denn hämmer no Internet-Kontaktlinse erfunde. Durch Genmanipulation kunnt me mit Kontaktlinse uf d Wält wo eim noch Wunsch Zuegriff ufs Internet, so wie au Kommunikation ermöglicht.

Denn gits natürlig no Küelschränk wo eim noch Gwicht und Fettateil Nahrig empfiehlt und die denn au sälber zuebereitet. Staubsuuger wo genau dr Staub und Dreck sueche und de denn isuuge (so suugt me nie us Versehe mol sini Ohreringli ih). Er ka au d Wänd deruf.
Huuschlüssel gits nüm, nur no Fingerabdruck und Auge-Scan.

Politik gits wie gseit nüm, nur no Wirstaft. Durum erübrigt sich dr müesami Prozess wenn me ine anders "Land" will reise.

Zobe hen sich gwüssi Gruppene denn no ihri Sache vorgstellt und denn hets Party gä (und e guets Ässe mit Laaaaaaaaamm (leider ohni die genial Whiskysauce)).

Knus
Annika

(Ich und d Ass)

(Mini Wenigkeit)

(Elfa und Astrid)

(Craig (mit Pistole) und Marc (mit Sprützi), Zitat Marc: "Wait...!That doesn't make sense...why would I do this if you were going to shoot me?")

--> zum letschte isch zsage: Es git natürlig no härteri Droge in dr Zuekunft...d Menschheit isch shco fascht abgstumpft gegenüber Heroin

Berlin, Berlin

-Shana- — 2008-04-21T14:38:00Z

Nochere ganz wundervolle Wuche, miteme ganz wundervolle Bsuech (danke Philipp für die schöne Täg) hämmer uns denn au scho miesse parat mache für Berlin.

Am Sunntig, dr 13. isches am Morge am halb 8i losgange. Unsere Mega-Bus het uns abgholt. E willkommeni Abwächslig in dere 8/9-stündige Busfahrt isch sicherlich d Überfahrt mit dr Fähri vo Gedser noch Rostock gsi. Ich ha das Fähri-fahre wirklig vermisst :D

Öbbe am halb 5i simmer denn in Berlin vor unserem Hostel ako und hän unseri Zimmer bezoge. Die meischte hän 4er Zimmer ka, wo grad mol e Badzimmer mit WC ka hän. Haha, ich, d Elfa und d Karina hän e halbi Wohnig ka, mit Kuchi, Küelschrank, Badzimmer mit Duschi und Badwanne und Fernseh ;) es macht sich also doch irgendwenn bezahlt, wenn me nit als e ultimatics Party-und Suff-Meitli uffallt. Lang Zit hämmer abr nit ka, denn nochere halb Stund isch denn scho die erschti Geh-Tour ufem Plan gstande. Mir sin, alli todmüed natürlig, bitz in Berlin umetrottet und hän e paar Sächeli agluegt. Denn zobe, am Viertel vor 8i simmer nomol ufe kleini Tour gange, zum Richstag. Sin denn au in d Kupple, am Obe unter dr Wuche, nit in dr Hochsaison muess me ebe nit so lang astoh.

Am nögschte Tag hämmer denn dr Tag drmit verbrocht mit unserem coole Bus umezdüse und so zimlig alli Sehenswerte Stelle go z besichtige. Isch eigentlig no gmüetlich gsi und s Wätter isch am Afang super gsi. D Elfa und ich hän sogar unseri Mousse au Chocolat Torte könne im Sunneschiin amene Brunne gniesse :P

Am Obe simer z 6. (Ich, Elfa, Ewelina, Zuzanna, Astrid und Nanna) in e indischs Restaurant gange, wo grad am nögschte Ecke vom Hotel gläge isch. Es isch eifach genial gsi. Erschtens isch s Ässe eifach super gsi und zweitens hämmer zwei sehr agnähmi und witzigi Herre als Bedienig ka. Do ich die Einzig gsi bi, wo wirklig Dütsch ka (odr sich zumindescht getraut das au azwende, kleine Sitehiib an d Ewelina), hani könne Simultan übersetze. Isch au mol no luschtig gsi, dass alli vo mir abhängig gsi sin *muaha*. Uf jede Fall hämmer e genial luschtige Obe verbrocht, was nit z letscht an de Mega-Cocktails gläge isch, wos dört zur Happy Hour für nur 4 Euro gä het. Mir sin denn au prompt no vom Kellner iglade worde, ane Party wo am nögschte Obe stattgfunde hät (das "hät" losst jetz dr ufmerksami Leser druf schliesse, dass mr nit gange sin ;)).

Am Zischtig hets am Morge zerscht pbligatorischs Programm gä. 4 verschideni Toure sin abotte worde. Ich bi zersch ins Antike-Museum und denn in die alti Nationalgallerie gange. Am Nomitag hani mit dr Louise abgmacht ka, zum s X-tra-X (e extrem grosse Gothic Shop am Prenzlauer Berg) unsicher z mache. D Elfa und d Astrid sin au mitko und hän sich e Spass drus gmacht die überlschte Corsage azprobiere und sich denn z fötele. Ich has do bitz seriöser gno. Ha leider mis gwünschte Korsett nit in minere Grösse gfunde, drfür abr e verruckts Kleid, womer passt het wie agosse *freu*.
Nochher simmer no bitz ufem Prenzlauer Berg umespaziert und sin go käffele. Denn isches au scho widr heizue gange. (hehe hän ufem Heiwäg dr Ole atroffe, wo uns druf higwise het, dass mr eifach e bestimmti Tramlinie näme, anstatt müesam mit S-und denn U-Bahn zrugg zfahre)

Am Obe simmer irgendwie alli total erschöpft gsi, obwohl mr uns vorgno hän, so richtig ufe Putz zhaue. Sin licht müed ine italienischs Restaurant go ässe und nochher in sone Thai Restaurant, wos so geniali Schaukelstüehl usse ka het und ebefalls Cocktails für 4 Euro. Bi jo nit sone Fan vo Cocktails, abr für de Pris und die coole Farbe hani mr das nit könne entgo lo. Dört simmer denn uf zwei licht atrunkeni Dütschi gstosse, wo beidi in dr Armee sin und grad Ferie in Berlin mache. Eigentlig nit grad die agnähmschte Zitgnosse, abr zu uns sin si natürlig ganz lieb gsi ;) hän uns denn iglade am nögschte Tag widr zko, denn würdi si uns au d Cocktails zahle (hämmer denn abr au nit gmacht hihi). Nochher simmer denn witr in sone richtige dreckige Club gange go abfiire. Abr wie scho gseit, simmer eifach nit gnueg fit gsi, sin denn am 1 todmüed widr zrugg ins Hotel grad go schlofe.

Am Mittwuch isch nüt me obligatorisch gsi. Zerscht hämmer emol usgschlofe, sin go zMorge ässe und denn sin d Astrid, d Elfa und ich go lädele. D.h si sin go lädele, ich bi dumm drnäbe gstande odr bi mini eigene Wäg gange, schliesslig hani kei Gäld me könne usgäh :D Wo si sich grad e Tour de H&M gleischtet hän, bini bitz ufem Ku-Damm umespaziert und womr uns widr troffe hän, hän beidi sehr gheimnisvoll to. Plötzlich hän si sich umdreit und sich zwei übli Basecaps in schimmerndem rot und blau azoge, d Elfa het mir s gliche Modell in schwarz übergstreift (hehe si hän für mi extra no e schwarzes Exemplar kauft). Isch jo klar gsi, dass mr denn dr ganz Tag in dene Hüet umegloffe sin. E so isch denn au d Idee vo unserem Dreier-Gespann worde, us dem mir momentan grad e Musical mache (jaja, kein Witz): D Astrid isch d Liebi, ich dr Tod und d Elfa e Ängel XD
Z'Obe simmer (mit de Hüet) widr in das indische Restaurant gange, abr mir sin zue kaputt gsi ums nomol so luschtig zha. Sin denn bald mol zrugg ins Hotel go schlofe.

Am nögschte Tag simmer am 10i abgfahre und hän no e kleine Halt bim Olympiastadion gmacht, do's abr gregnet het, simmer im Bus blibe und dr Ole het uns über Lutsprecher bitz öbbis drüber verzellt.
Denn simmer witrgfahre und erscht uf dr Fähri widr uftaut (siehe Fotos!)

Das wärs au scho gsi vo unserer geniale Berlin Tour. Nochher hämmer no e gmüetlichs Freiwuchenend verbrocht und hüt het dr Ernscht vom Läbe (grööööhl) widr agfange ;).

Knus
Annikani

(Elfa, Ich, Ewelina, Astrid, dr Kellner Ronnie, si Cousin dr Achmed und d Nanna)

(Typisch: Ich studier d Karte und Astrid "hilft")

(s neue Dream Team)

(s neue Dream Team mit Hüet aka Love, Death and an Angel (wie s glichnamige Musical))

(ich vor dere..äääääää...weiss nüm...Nikolai-Kirche?)

(ich und d Ewelina in dene Schaukelstüehl)

(Having Fun on the Ship: Ich, Zuzanna, Ewelina, Elfa)

(Charlies Angels...oda sowas in der Art)

Højskolen er syg...

-Shana- — 2008-04-02T09:42:00Z

Tja im Moment isch bi uns dr Wurm din. Öbbe d Hälfti vo dr ganze Schuel isch gsundheitlich agschlage und e Viertel isch stark verkältet bis krank. Ich bi am Mäntig und Zischtig flach glege und ha die ganze Täg im Bett verbrocht. Hüt bini widr einigermasse fit, drfür ligt jetz d Lotte im Bett und isch krank ;) Das isch ahlt so, wenn me uf ängem Ruum zäme wohnt: me steckt sich au sehr schnell ah.

Jojo i hoff bis zum Wuchenend bini widr topfit ;)
Im Moment isches grad recht toll: Alli die wo Rytmisk Sammenspil hän, hän sit geschter bis morn nur Musik. Es sin e paar jungi Musikstudente do, wo sich am unterrichte üebe. Mir sin in drei Gruppe à 6 Lüt ufteilt worde und hän jetz die ganz Zit Musik bi dene. Isch no recht toll, sin tolli Lüt und s macht Spass. Am Donnschtig miemer denn au unsers glernte zum Beschte gä, denn gits nämlig e kleins Konzert.

Geschter hämmer endlich die neue Ganggruppebilder gmacht...wie gseit e dümmere Augeblick hätte si sich nit könne ussueche. Zum glück het mir das d Lotte rächtzitig gseit, denn hani mi no könne alege und mi widr einigermasse herstelle. Abr drei vo unserer Ganggruppe hän gfählt, will si entweder krank sin odr neume anders verpflichtet gsi sin. Und denn ebe wird me wohl einigi agschlageni Gsichter uf dene Föteli könne entdecke ;)
Drfür ischs Wetter fantastisch gsi. Jetz isch leider widr grau, abr me merkt, dass dr Früehlig kunnt; es wird tatsächlich immer wie wärmer.

Hüt gangi glaubs noch de Stunde no kurz go ikaufe und denn widr ab ins Bett um mi endgültig könne uszkuriere.

HATSCHI
Annika

Påsken på Højskolen

-Shana- — 2008-03-23T10:17:00Z

Ich ha mi scho lang uf d Oschtere do gfreut. Dr Grund: Es sin im Schnitt nur öbbe 10 Lüt wo do sin, dh mir hän 5 Täg s Huus ganz für uns. Das bedütet au, dass immer zwei Lüt e ganze Tag Kuchidienscht hän und drfür au sälber s Znacht dörfe bestimme und das denn koche. Au hän mr könne in dr Begtrups Stue ässe. Das isch sovil ich weiss dr ältischti Ruum in dr ganze Schuel und ligt grad näb dr Kuchi. Dört ässe ame nur die Agstellte und Familie (also nur wenn si Luscht hän). Isch uf jede Fall saumässig gmüetlich so zu 10. dört inne zässe und z pläuderle.

Geschter hän d Elfa und ich Kuchidienscht ka und mir hän d Latte also sehr sehr hoch gschrubt ;) Z'Obe hämmer Poulet-Streifli und ganz vil versch. Gmües brötlet und das denn zäme ine Topf keit, drzue hets Basmati Riis gä. Es het wirklig total guet gshcmeckt und alli sin begeischteret gsi :D
Denn hämmer no Cola und Fanta ikauft ka und hän das denn zum Ässe serviert (susch hämmer immer nur Wasser) UND denn hämmer zobe (hehe so geg die 10) no e Kueche gmacht (also sone fertig back dings us dr Tüte, abr er isch mega guet gsi!) und das denn au no im Fernsehruum uftischt, womer Film gluegt ka hän. Hihi jetz miemer wirklig sehr beliebt si *muaha*

Agfange hän die Oschtere eher unschön. Am Donnschtig bini zerscht bitz in d Turnhalle go trainiere, denn sin abr irgendwenn dr Jacob und sini Kinder ihneko go Fuessball spile, denn hani mi verzoge. Ufem Wäg noch use hani denn d Emilie und d Helene atroffe, wo zäme mit dr Tine und dr Anna e Bier-Picknick plant ka hän, will si no so vil Bier übrig ka hän. Ich ha denn scho innerlich dänkt: Ou nei Dankschön, ohni mi (schliesslich isches erscht am halb 2 am Nomitag gsi). Wies au het miesse ko hani mi denn glich beteiligt. Mir sin in Gang gsesse und hän öbbe am 2 mitem Bier-Verzehr agfange. Witrgange isches denn mit diverse Spili wie Bier Bowling und "Ich ha no nie" dr Brian (ein vo de Amis) isch denn au no drzue gstosse. Es isch eifach soooooooo luschtig gsi.

So geg die 5i isches uns denn z kalt worde und mir sin in dr Tine ihres Zimmer gange wos genau glich witr gange isch. Irgendwenn am 6i hämmer gmerkt: upps es gäbt jo zNacht. Denn simmer also mit unserem Bier und Wyy abe go ässe, die andere mien au dänkt ha mir sige nit ganz bache. Denn nochher simmer widr ufe und hän no komischi Spili gspil, wome ame eifach nüm ka vor lache. Dr Mitko und d Astrid sin teilwiis au no drbi gsi.
Irgendwenn um die 10/halb 11i hämmer gfunde mir gön mol abe in d Kuchi, dört hämmer no vom Schoggikueche vom Vortag gässe und umetanzt. Vo dr Kuchi hämmer denn natürlig no miesse e Souvenir mitnäh: Mir hän ein vo dene riisige Kochtöpf uf Rädli mit ufe gno (het natürlig ei Getschätter gä...macht jo abr nüt, isch jo susch kuum öbber do gsi).

Denn isches widr gange und mir hän no über alles mögliche gredet. Irgendwenn sin denn nur no ich, dr Brian, d Anna und d Tine übrig gsi, mir hän denn no sone komischs Zell-Spili gmacht und denn am 12i hämmer gfunde: Mir MIEN ins Bett. Alkohol hämmer fascht keine meh ka und vor allem simmer todmüed gsi vo dem lange Tag XD

Ich sag das jetz mol zur Beruhgig: Das isch s erschte Mol woni wirklig vil trunke ha (haha vom 14:00 bis 24:00) und i wirds so schnell au nüme mache, abr so eimol het das eifach brucht.

Dr nögscht Tag hani denn widr mit Drogeartige Stoff verbrocht...mit Hoorfärbemittel. D Elfa und ich sin dr ganz Tag bi ihre gsi und hän unseri Hoor neu coloriert. Ich ha eifach usgseh wie irgend e Schlachterin. Ha sone lockers, wisses Träger T-Shirt vo dr Elfa aka und denn isch natürlig alles rot gsi (und das rot het wirklig e Farb wie Bluet). Vo dem gits denn au no irgendwenn no Bilder.

Geschter hämmer ebe Kuchidienscht ka und ansunschte hani no bitz an mim Jupe fürs Tekstil und Design witrgnäit.

Jo und zobe simmer eigentlig jedes Mol am Film luege bis weiss nit wenn und denn schlofemer am nögschte Morge au entsprechend lang. Ich wird glaubs Müeh ha mi widr an Rhythmus z gwöhne.

Das wärs mol sowit zu unserne Oschtere.

Bis Bald

D Emilie und ich (ebe i bi grad vom Training ko ;))

D Helene, d Emilie, ich und d Anna

S Team "Strangers" bim Bier Bowling

D'Anna mit ihrem neue Fründ...dr Kochtopf

Helene, Astrid, Kochtopf und ich

Temauge

-Shana- — 2008-03-05T17:40:00Z

Letschti Wuche hämmer e Thema-Wuche ka. S Thema isch gsi USA in de 20er, nebe diverse Vorträg und Film luege, hämmer uns au könne für Workshops amälde. Ich ha e Gospel Workshop gno und das isch aeifach genial gsi. Ha entdeckt dases mega Spass macht imene Chor z singe und wenns denn no Gospel isch fetzts erscht richtig. Ufgfüehrt hämmer denn das amene Gottesdienscht und ich und d Anette sin die einzige zwei Sopran Stimme gsi, ha am Obe dämentsprechend Halsweh ka. Noch uns sin denn die "Christliche Fraue im Kampf gegene Alkohol" ko und hän gege das dämonische Gsöff prediget. Es isch zum gröhle gsi.

Denn hämmer au no Unterricht im Charleston beko, was au no Erfahrig wert gsi isch (meh lernt jo schliesslig nie us). Am Zischtig (das het nüt mitem Thema ztue ka) simmer vo TV2 iglade worde als Publikum inere neue Quiz Show. Das isch au no spannend gsi, mol so hinter d Kuhlisse z güxle...abr au ganz schön verblödend. Mir hän natürlig immer miesse klatsche, johle, lächle und bi de no so blödschte Witz vom Moderator lache als sig Monty Python selbscht am Start.

Am Fritig hets denn e risigs Rollespil gä, wo imene illegale Nachtklub spilt. Dört hani leider nit könne drbi si, willi mi Wuchenend in dr Schwiz verbrocht ha ;)
Am Fritig am Nightwish Konzert (isch richtig geil gsi und jä die neu Sängerin hets zimlig druf!) und denn am Samschtig zObe bi dr Madame und mine über alles geliebte ehemolige Klassekamerade. Es isch scho no schreg gsi, eifach so übers Wuchenend hei zko und vo einere Welt ine total anderi Welt iztauche (jetz vor allem uf das Klasseträffe bezoge: Ich bi do halt vo ganz anderne Lüt umgäbe wo mit dene Lüt mit dene ich 3.5 Johr in dr Schuel verbrocht ha rein gar nüt ztue hän). Uf jede Fall isches e sehr schöne Ufenthalt worde und ich möcht mi an dere Stelle bi all dene bedanke woni gseh ha für ihres "Do-Si", bsunders toll isch natürlig gsi, widr mol richtig mitem Mami z schwätze und no töller, dasi dr Philipp widr gseh ha ;)

Woni zrugg ko bi isch denn alles e bitz andersch gsi, will 10 vo de alte Schüeler endgültig hei sin. Am Mäntig het mi denn dr Papi do bsuecht, wo in DK gsi isch zum mit sim Vater Geburtstag z fiire. Isch no gmüetlich gsi...UUUUND: mir rede jetz dänisch zäme, was natürlig e ganz neui Situation isch.

Am Mäntig zobe sin denn die neue Schüeler ko, unter anderem au mini neui Zimmergnossin und jetz kunnt dr Witz: Ich wohn widr mitere Lotte zäme. Nur isch si s zimlige Gegeteil vo minere alte Lotte, ich mach denn bi Glegeheit mol e Gegenüberstellig ;)
Was au no spannend isch: Ich bi jetz nüm die einzigi Uslanddänin. Es het jetz eini us Belgie und ein us Frankrich wo e dänischi Mueter hän und eini us England, wo wie ich e dänische Vater het, mit dem abr nit dänisch redet. Isch no luschtig z gseh, dases Lüt in dr genau gliche Situation git.

Geschter hämmer widr miesse Fächer wähle, ich ha gno:
A-Fag: Textil und Design
B-Fag: Islam und Europa (nit ganz freiwillig, schliesslig hani so öbbis ähnlichs intensivscht am Gym scho ka, abr es isch mehr sone Usschliess-Verfahre gsi)
C-Fag: Dänisch
D-Fag: Rytmisk Sammenspil 2 (wie hets au andersch könne si)
E-Fag: Schmuckwerkstatt

S Dänisch Fach macht mr ehrlich gseit e bitz Sorge: Jetz unterrichtets nur no d Ditte und mir sin mehr Lüt und stöhn uf no unterschidlichere Niveaus. Wird nit so eifach do alli zfride z stelle...

So das wärs dämfall mol vo de wichtigschte Neuigkeite.
Hüt zobe hets denn no e Hockey Turnier wo die einzelne Gäng gegenander aträtte...ich mach au mit. Ajo: mir hän jetz e 6. Gang: Lyngby Gang, wills soooooo vil neui Lüt gä het (minere Meinig noch vil zvil, mir sin jetz öbbe 80 Lüt, d Amerikaner nit mit igrächnet)

Ganz liebi Grüess und Knus
Annika

Uge 7

-Shana- — 2008-03-05T15:50:00Z

Tuet mr Leid, dases so lang gange isch, ha eifach kei Zit und Luscht gfunde zum do witrschribe.

Also vor 2 Wuche isch rückblickend nit sonderlich vil passiert. zumindescht nit unter dr wuche...s Highlight isch sicher s Konzert vom Robin Colvill gsi. Das isch e englische, in dr Szene zimlig bekannte, Pianist, wo uns d Ehr erwise het für uns z spile. Er isch sone richtige Gentleman gsi, mit Frack und Fliege, wie sichs ghört. Er het nit nur fantastisch gspilt sondern au immer widr Gschichtli zu de einzelne Stück und Komponischte verzellt. Ei Gschicht isch sini eigeni: er isch woner jung gsi isch bi dr Musikakademie in Salzburg ufgno worde, was einiges z bedüte het. Und wüsseder woner gwohnt het? Bzw wo d Studente vo dem Konservatorium traditionellerwiis wohne? In dem grosse Huus vo dr Familie Trapp usem Film "The Sound of Music"!!!!!! Das het uns (vor allem d Fraue ;) ) natürlig sehr beidruckt *g*

Am Fritig hämmer denn e kleins Rollespil ka. Es isch drum gange e typischs dänischs Konfirmationsfescht nochezspile, mit alle Skandäl und Pinlichkeite. Das isch denn au wirklig unglaublich luschtig worde. Ich ha d Fründin vomene Cousin vom Konfirmand gspilt, mir beidi sin Klei-Alkoholiker gsi und hän uns dementsprechend bsoffe dörfe verhalte.
Mit däm Tag isch denn au s erschte Modul z End gange.

Am Wuchenend bini denn bi dr Marianne undem Knud gsi, dass sin alti Fründe vo mim Papi. Das isch sehr gmüetlich gsi, het vor allem au guet do, mol neume andersch z schlofe, fernab vo allem Trubel.
Am Sunntig simmer denn no ihri älteri Tochter go bsueche wo kürzlich mit dr Familie noch Køge züglet isch. Isch luschtig gsi, si und ihri, inzwüsche sehr gwachsene Kinder, z gseh. Vor allem will mr dismol uf Dänisch hän könne plaudere und unseri schicksalhafte Männergschichte ustüschlet hän ;)

Mi Fründ ;) (Mitko), e schwule Modedesigner, wo grad erscht vo Paris zrugg ko isch (Uffe) und e ebefalls vil trinkende Unkel vom Konfirmand (Elisabeth)

D Elfa und dr Asbjørn als Buure-Ehepaar vo Jylland

D Mia als Pablo Julio Alejandro Garcia und sini (ganz eigeni und niemerds dörf si aluege) Frau (Tine)

Ich (ich gseh so unglücklich us will mi Charakter e Dauermotzerin gsi isch unds zimlig gstunke het an dem langwilige Konfirmationsfescht) und dr Marc (d Amerikaner hän au mitgmacht) als pensionierte Snob

Noget rigtig dårligt og noget rigtig sjovt

-Shana- — 2008-02-19T10:33:00Z

Zwei kleini Neuigkeite, e zimlig Schlächtig und e Witzigi: Die schlächt natürlig zerscht.

Bi uns isch ibroche worde...also in dr Schuel, in dr Louise ihrem Zimmer. D Diebe hän dr Fenschterrahme mit irgendwelche Werkzüg durchtrennt und sin denn ins zimmer igstige, währenddem mir alli bim ZNachtässe gsi sin. Tüüre Familieschmuck (si entstammt schins useme Adelsgschlecht), Laptop (wo zum Glück kaputt gsi isch), iPod und Natel sin weg. Jetz goht natürlig bitz e mulmigs Gfühl ume in dr Schuel, denn das isch scho s zweite Mol, das isch nämlig scho letschte Herbscht passiert. Gross öbbis mache kame nit. Die mien wüsse, wenn mir am Nachtässe sin, irgendwie e unheimlichs Gfühl. Ich mach mr nit so Sorge um unsers Zimmer, mir sin zwor au im Erdgschoss, abr dr Louise ihres Zimmer isch s Hinterschte gsi, uf dr ganz andere, verlassene Site. Mir sin relativ im Zentrum, glaub nit dass sis do au woge.

Jetz zum Luschtige: Geschter isch Al Jazeera bi uns ko filme. Wo dr Jacob das bim Morgeässe akündigt het, hani zersch dänkt das sig e Witz, abr nochher hani denn bald die Fernsehlüt entdeckt. Si hän uns gfilmt bim Tischdecke (i ha grad Kuchidienscht ka), ässe, singe, in de Zimmer, dusse und uns bim abwäsche, halt alles mögliche, wo dr Alltag so zeigt. Al Jazeera will ebe e Sändig mache über Højskole in DK mache. Hehe jetz wärdemer bekannt in dr arabische Welt, juhui ;)

Lidt af Hvert

-Shana- — 2008-02-16T15:59:00Z

Ich fasse mal kurz die Highlights der letzten 2 (!) Wochen zusammen. (Mal wieder in unserer alten, unpersönlichen Schriftsprache ;) )

Das Donnerstagscafé vorletzter Woche war besonders gemütlich. Eine junge Band kam in die Højskole und gab ein Konzert, sehr melancholisch und etwas zu langweilig um dauernd zu hören, aber für den einen Abend gerade richtig (gab noch Kaffee, Kuchen, Kikse und Tee dazu). Sie waren sehr begabt und hehe gutaussehend (wie das noch oft so ist ;) ). Nach dem Konzert, halfen ich und Unnur Elfa beim Abwaschen, weil sich ihr Abwasch-Partner galant verdrückt hatte. Dann kam auch scho bald der Gitarrist der Band (die hiessen übrigens "Blaa Støj" in die Küche und hat mich nach einem Plastik Sack gefragt (WOOOOW, damit konnte ich schon fast einige Frauen der Schule eifersüchtig machen *g*). War auf jeden Fall ein gemütlicher Abend.

Am Samstag gab es dann am Abend ein exklusives Trinkspiel, genannt wurde es "Tour de Druk", und eine Tour war es wirklich: Die armen Teilnehmer mussten durch die ganze Schule rennen und an jedem Posten einen ordentlich mit Alkohol gefüllten Becher austrinken. Als krönenden Abschluss gab es dann noch zwei Trink-Stafetten. Ich hatte den dankbaren Job eines Schiedsrichters (war mir dann doch zu blöd da mitzumachen). Die ganze Sache war natürlich unglaublich lustig zum zuschauen.
Danach habe ich noch etwa eine Stunde mit Lincoln geplaudert, einem der Amerikaner. Er studiert Deutsch und liebt es, deutsch zu sprechen, weshalb er auch eine besondere Freude an mir hatte. Auch war er natürlig unglaublich begeistert, als er hörte, dass ich aus der Schweiz komme und dass unsere Familie ein Häuschen an einem einsamen Platz in den Bergen besitzt ;)

In der letzten Woche war das grösste Highlight wohl das Torsdagscafé. Unsere Ganggruppe musste es organisieren und wir hatten uns dafür entschieden, Fastelavn nachzufeiern (das ist hier so eine Art traditionelles Fasnachtsfest). Wir vergaben neben der Katzen-Königin und dem Katzen-König auch noch einen Preis für die beste Verkleidung. Gewonnen hat dieser Stefan, der aussah wie ein Michelin-Männli in den Ferien ;)
Ich ging (Überraschung) als Vampir. Ich habe doch keine Kostüme, doch wer so viele schwarze Klamotten besitzt, kann sich noch schnell in eine andere Rolle versetzen (ohne dabei seine Prinzipien zu verraten *muaha*)
Danach kam wieder eine junge Band, die südamerikanischen Jazz spielte (diesmal wurde ich nach keinerlei Tüten gefragt ;) )
Ich lasse am Besten die Bilder für sich sprechen...

Jetzt ist Wochenende und wir haben das Thema New Age. Am Morgen gab es einen (viel zu langen) Vortrag und danach Workshops. Im ersten hat so ein spiritueller Mann von Seelenreisen gesprochen, war noch sehr spannend, doch ich kann mir vorstellen, dass es für Leute ohne Sinn für Spiritualität etwas befremdend gewirkt haben muss. Danach habe ich einen Persönlichkeitstest gemacht: Ich bin eine Perfektionistin und eine Beschätzerin :P

Fertig Schluss, Bilder her:

Vampyren Annika

Rune und David als Emos in der Ecke (in der Mitte: Elfa als Elfa)

Julian (als einer aus dem 18. Jahrhundert?), Rasmus (als Uffe XD), Johanne (als "ulækker mand") und Mia (als Sportlerin) bei einem traditionellen Fastelavns-Spiel

Mikkel als Meister-Onanierer (die Anlehnung an eine gewisse Person der Geschichte möge sich jeder selber dazudenken)

Natascha als Polarfuchs und Stefan der Gewinner als...Ding

nochmals die blutrünstige Annika während des Konzerts :D

...efter en måned...

-Shana- — 2008-02-05T12:05:00Z

Jä kuum z glaube, abr i bi jetz scho e Monet wäg, d Zit vergoht wirklig wie im Flug. Nach wie vor gniesses utroligt.
Hm ich verzell jetz eifach mol bitz vo dr letschte Wuche ;)

Mäntig: kwt

Zischtig: E paar Lehrer hän am Højskoleaften vo ihrem Werdegang verzellt. Isch no sehr intressant und vor allem beruhigend gsi. Bi de meischte isches nämlig so abgloffe, dass si irgendöbbis studiert hän, denn öbbis anders studiert (und nomol öbbis anders studiert) denn irgendöbbis dumms gschafft und denn vlt öbbis anders gschafft, bis si das gfunde hän wos Wohre isch für se ;) D Moral odr dr Tipp, wo die meischte eim mitgä hän isch gsi, dass me wirklig das söll mache (jetz speziell ufs Studium bezoge), wome wirklig will und wome Luscht het und nit nur drnoch sött go, was eim denn am meischte könnt bringe odr was am konkretischte isch und das me sich denn am Änd zum Bispil mit Jura abquält, obwohl me sich vil me für Kunscht würd intressiere, odr so.

Mittwuch: isch nit so vil passiert. Am Obe hän sich eifach d Amerikaner mol bitz genauer vorgstellt, vo wo si köme, was si studiere und so witr. Ha denn au eini gfunde mit irische Wurzle (ha se eifach MIESSE uf ihri fürrote, glockte Hoor aspreche ;) )

Donnschtig: Am Donnschtig isch kei Torsdagscafé gsi, sondern mir sin ins Theater gange. Das het schomol sehr abentüürlich agfange, denn womer ufe Bus gloffe sin, hets afo stürme, es het gschneit, gregnet und gwindet wie blöd. Durchnässt und schlotternd hämmer öbbe 20 Minute miesse ufe bus warte, will mr uns im Fahrplan girrt hän. Denn simmer mitem S-Tog bis noch Allerød und dört denn in Mungo-Park, das isch sone alternativs Theater, miteme Ensemble wo grad emol us 5 Lüt bestoht. Mir hän Othello gsi. S het mr no guet gfalle, isch e super Bühnebild gsi und die schauspilerischi Leischtig isch au nit z verachte gsi. Ich muess do no amerke, dasi mi dänische Semm gfunde ha! Er isch bitz "weicher" als unsers guete Semmchen in Basel, abr er isch ufem beschte Weg, e richtige Semm z werde (has jetz au vom Spilstil her no gfunde)

Fritig: Am Nomitag hani mit Freude dörfe feschtstelle, dasi mi CPE knapp bestande ha.
Am Obe hämmer beschlosse, dass mr ins Kino gön go "Sweeney Todd" luege. Het sich uf alli Fäll glohnt. Mir sin öbbe zu 12. gsi, zersch öbbis go trinke (d Elfa, Unnur und ich sin zerscht no go Pommes Frites ässe, will mr so Luscht druf gha hän) und denn uf d Halb 10i Vorstellig. Aslo ich muess zuegäh mir isch fascht shclächt worde, will wirklich jedes mol super schön zeigt worde isch, wie psycho-sexy-Johnny Depp sine Kliente d Häls duureschnidet und die guete Liche nochher zu Fleischpaschtete verarbeitet worde sin, wo dr gröscht Hit in London gsi sin. Abr dr ganzi Stil vom Film het alles so unwirklich und skuril erschine lo, dases ebe eigentlig ga rnit schlimm gsi isch, bzw dases eim nit wirklig gstört het, dass so vil Lüt zu Pies verarbeitet worde sin. Isch uf jede Fall e sehr tolle, typisch Tim Burton mässige, absurde, dunkle Film.

Samschtig: Do jo Fri-Weekend gsi isch, hämmer beschlosse, widr e unoffizielli Party z mache. S Motto isch dismol "Techno und Electro" gsi. Isch no rächt luschtig worde, alli sin so Electro-mässig umegloffe und hän sich selber mit Neon-Liechter-Stäble dekoriert. Isch sehr usglasse gsi.
I bi so geg die 3 ins Bett und am nögschte Tag um die halb 11i widr ufgstande.

Sunntig: TYPICAL HANGOVER DAY, muesi mehr sage? ok doch, vlt dasi mi zämegrisse ha und so geg die halb 1 bi in dr Turnhalle go trainiere, das trotz Müedigketi und Beduseligkeit vo dr letschte Nacht. Nochher hani mi denn wie alli andere go loh, mir hän öbbe 7 Folge Sex and the City gluegt, sin im ganze sicher 5 Stund im TV-Ruum gsi :D :D abr das muess jo so si amene kollektive Tag-Danach.

das wärs ensemble, dä ganz links isch dr dansk-semm, er heisst in wirklichkeit mikkel arndt ;) uuund er isch AU 29

das wär usem stück, nomol mitem mikkelsemm

no im zimmer, kurz bevor mr an d techno-party gange sin (man beachte das plakat im hintergrund ;) )

d lotte...eher so bitz e hippie raver

ich und d elfa...scho bitz spöter

Valhalla!

-Shana- — 2008-01-27T15:10:00Z

So, und widr isch e Wuche verfloge und dismol miteme krönende Abschluss: unsers Thema-Weekend, wo sich ums Thema Valhalla, sprich nordischi Mythologie treit het! Es isch absolut genial gsi! Abr zerscht zum Räscht vo dr Wuche.

Am Zischtig isch dr Clement Kjærsgaard ko, sone Amerika-Journalischt-Guru in Dänemark ;) Dä het denn e Vortrag ghalte...naaaaaaja langsam hängt mr s Thema Amerikanischi Politik zum Hals us. Ha irgendwenn nüm zueglost, isch sowiso astrengend gsi, do dä gueti Herr extrem schnell redet und ich mi rächt hät miesse konzentriere ihn zverstoh. Bi denn noch dr Pause mit dr Unnur und dr Elfa in TV-Stuen go Sex and the City luege.

Am Donnschtig isch widr Torsdagscafé gsi und Folkemøde hets dismol miesse organisiere, si hän e klassische Bingo-Obe gmacht (do au Banko gnennt) und hän sich au als alti Lüt verkleidet, isch jo schliesslig e Seniore-Unterhaltig :D . Ha leider nüt gwunne, obwohl mir bim erschte Durchgang am Schluss nur no ei Zahl gfählt hät.
Ajo und d Signe het no Geburtstag gha. Mir sin se am Morge früeh mit Kueche, Gschänkli, Kakao, Fähnli und Gsang usem Bett go hole :D Si het total Freud ka, isch sau härzig gsi

Am Fritig hets denn z'Obe miteme Istig ins Wuchenend agfange. Mir hän Beowulf gluegt. Naja, also es gäbt film, wo besser zum Thema passt hätte. Abr er isch halt aktuell und i muess sage, vo dr Animation her ischer absolut genial! Isch uf jede Fall gmüetlich gsi.
Am nögschte Morge hets denn zerscht widr dr wuchenendlichi Brunch gä und denn am 11i het dr Ole e Vortrag ghalte über nordischi Mythologie, isch no spannend gsi, au wenni nit alles verstande ha :P

Am 1 hän denn d Workshops agfange, ich bi go Schmuck mache. Bi jetz Bsitzerin vomene rächt kuhle Ring in Wikinger-Style :P
Am 3 hämmer denn frei ka und uns mol avo vorbereite füre Obe.
Bi uns isches rächt unterschiedlich gsi: D Mette, d Signe und natürlig ich sin so Todes-Engel-Walküre gsi, so richtigi sexy Kampfmaschine XD denn hemmer no dr Asbjørn und dJohanne ka, wo bitz mehr ein uf lieb gmacht hän und die andere sin eher unschinbar gsi.
Denn isches am 6i witrgange mitem Gang-Wettbwerb. Z'erscht hämmer miesse Froge zur nordischi Mythologie beantworte, mir hän glaub 10 vo 11 richtig gha. Mir sin 2te worde.
Denn isches im Gymnastiksal miteme Trinkspil witrgange. Me het miesse füre renne e Glas mit (zimlig gruusigem) Met leer trinke und denn 10 mol im Kreis ums Glas renne (s Glas muess me drbi hebe) ich has nit so schwirig gfunde, bi relativ schnell fertig gsi und mir isch au kuum trümmlig gsi. Im Mitko isches komischerwiis andersch gange, er isch umkeit bim drülle XD, dört simmer nur 4te worde.
Denn isch d Disziplin ko, wo öbber het miesse möglichscht vil, staubtrockeni Keks ässe. Dr Asbjørn isch dr Held gsi vom Tag, er het 16 Keks gässe, ohni si in Milch z tunke und ohni öbbis drbi z trinke...abr nochher ischem glaub nüm so wohl gsi.
Die Disziplin hämmer gwunne.

Am Schluss hets denn no Seilzieh gä, do hämmer 2 vo 3 mol gwunne, was beachtlich isch, do mir nur 2 Männer in dr Gruppe ka hän!Tja Walküre-Power ;)
Alles in allem hämmer denn 2te Platz gmacht, isch no schad gsi, mir wenn jetz ändlig au mol gwünne ;)

Nochher hämmer denn ändlich dörfe in Ess-Saal vo Walhalla...es het richtigs Wikinger Ässe gö, Fladebrot, deftigs Fleisch und Gmües. In dr Mitti vom Ässaal hets Kübel gä wome het könne d Knoche ihne werfe, odr zumindescht versueche z träffe ;) und wenn me troffe het, het me natürlig miesse s Glas erhebe und Skål schreie (das isch au gmacht worde ohni, dass me Fleisch in dr Gegend umegschosse het), es isch wirklig sehr Wikiniger mässig zuegange, mir hets gfalle :D
Denn nochher isch d Party in vollem Gang gsi, widr vil Bier und suschtigs Zeuchs und Tanz. Isch genial gsi, hami richtig amüsiert.
Amüsiert hän sich au d Amerikaner, ich glaub mol die hän no nie so öbbis erläbt.

Hüt sin alli nur no halb tot umegschliche. I ha no e Spaziergang gmacht, will ändlig mol schöns Wetter gsi isch. Denn bini in Tv-Stuen womer no weiss nit wie lang "Friends" gluegt hän. Es isch ächt luschtig gsi, will alli total versifft usgseh hän, sone richtige kollektive Morgen-Danach.
Tja das wärs.
Tue mol mini Föteli ihne, es folge denn no meh, wenni vo anderne Lüt au no gfunde ha.

MVH
Annika

Am Donnschtig, womer d Signe überrascht hän

D Walküre vom Klostergang

Dr Asbjørn am Kiks ässe

D Wikinger vo Folkemøde

D Sklave vo Skåne

Odin's Halle in Walhalla

dr Uffe und ich..ziiiimlig spot z'Obe (er het wieme gseht au si Götter-Kostüm ablgegt :P)

Fri-Weekend

-Shana- — 2008-01-21T10:20:00Z

So, jetz hämmer mol e dreitägigs Wuchenend ka, wo kei Programm gsi isch. Isch no guet, so kunnt me mol zu all dene Sache wome eigentlig sött erledige. Es sin sehr vil hei gange, durum isch au nit wahnsinnig vil los gsi do. Nur am Fritig z'Obe hämmer, wie könnts au andersch si, e unoffizielli Party ka. Isch sehr luschtig gsi, es sin au no e paar Ehemoligi usem letschte Kurs ko. E typischi dänischi Party, mit vil vil, sehr vil Bier. S dumme dra isch gsi, dass me do scho sehr früeh afoht feschte (am 8i hämmer agfange!!) und durum am 11i scho alli entweder müed odr hackedicht gsi sin. Ich bi durum au scho am viertel vor 12i ins Bett gange und ha no "Alias" gluegt, wieni das immer z'NAcht gmacht ha an dem Wuchenend (mueses ebe usnütze, jetz wo dLotte nit do isch, denn muesi kei Rücksicht nä, wenn si will schlofe odr so).

Am nögschte Tag bini denn mit dr Elfa, Unnur (Island) und dr Siri (Norwege) uf Kopehage gange, bitz go shoppe. Mir häns unglaublich luschtig gha, vor allem will ich und d Unnur d Siri eifach nie verstande hän wenn si öbbis gseit het. Erschtens das komische norwegisch und zweitens näslet si zimlig. Mir hän uns denn ame nur no so agluegt und uns hets fascht verdätscht. Odr au sunscht, d Siri stellt immer so dummi, schwierigi odr unerwarteti Froge. Plötzlich het si so usem nüt usegfrogt, wer Präsident vo Islan sig, odr öb d Schwiz e umweltfründlichs Land sig odr weles unsere Liebilingskontinent isch usw. Isch sehr luschtig gsi. S Tolle dra isch gsi, dass mir 3 verschideni Sproche gredet hen, ich und dUnnur dänisch, d Elfa schwedisch und d Siri ebe norwegisch und mir hän uns eigentlig immer verstande (D Elfa het denn ebe ame übsersetzt, wenn d Siri widr öbbis komisch gseit het). Mir hen so guet wie kei Englisch brucht, isch ächt super gsi!!

Am Sunntig hani denn endlig mol d Wösch gmacht (ha eifach mol irgendwelchi Knöpf druckt bi dere komische Wäschmaschine, abr es isch guet useko ;) ), bi no bitz in d Turnhalle go trainiere (e ganzi Stund lang, has ächt nötig, miessti mind. eimol in dr Wuche mache, susch loht mini Kondition extrem noch) ha Husufgobe gmacht fürs Dänisch. Am 5i hän mi denn dr Per und d Constanze abgholt, das sin Fründe vo uns, wo in dr Nöchi wohne. Denn hani bi ihne zerscht mol Tee trunke, denn hämmer gesse und denn hets no Kaffi gä. Isch e unglaublich gmüetliche Obe gsi. D Louise, dr Constanze ihri Tochter isch denn au no ko. S Tolle isch au gsi, dasi mi jetz ändlig mol dänisch mit ihne unterhalte ha (also jo mehr odr weniger, ha denn scho ame au dütsch gredet).
Isch no härzig gsi, si hän mi übere Philipp usgfrogt ka und woni denn gseit ha, er kämi högschtworschinlich im Summer, het d Constanze gfunde, si freui sich ihn kennezlerne (gäll du ;) ) und denn irgendwenn wo d Constanze mit ihrer Familie telefoniert het, seit dr Per so: "Also gäll, du kasch gern dim Fründ alüte..." hamer das natürlig nit zweimol sage lo, denn vo dr Højskole us z telefoniere isch nit so dr Hit (gäll Mami).

Si hän mi denn so um die 9i widr hei gfahre und grad no dr Constanze ihres Velo mitgno. I gang ebe hüt mitem Per no ufs Folkeregister und uf d Bank und do d Constanze s Auto brucht, gömmer mit de Velos (so begeischteret drvo bini nit, denn es isch saumässig kalt do!)

Fredag-Party

es isch au mächtig tanzt worde ;)

Hanne-Mette og Asbjørn

Unnur und ich

in Kopehage: Unnur, ich, Siri

ufem Heiwäg vo Kophegage: Ich+Siri, Elfa+Unnur

Fagoversigt

-Shana- — 2008-01-17T15:21:00Z

Zur Abwechslung mal auf Schriftdeutsch damit Those Who Probably Don't Want To Be Named weniger Schwierigkeiten haben zu lesen.
Ich stelle mal meine Fächer vor.

A-Fag: Dansk Sprog og Kultur

Dieses Fach ist für die Ausländer hier gedacht und behandelt in erster Linie die dänische Sprache. Hauptsächlich lesen wir Texte (wir haben gerade "Jeppe på bjerget) von Ludvig Holberg, ein Klassiker, fertig gelesen) und analysieren diese. Inzwischen sind auch Verbkonjugationen dazugekommen, was für mich besonders gut ist, da ich das nie wirklich gelernt habe. Unterrichtet werden wir von Ditte und Marianne, zwei flippige, junge Frauen.
Wir sind etwa 10 Leute: Ich, Ewelina und Zuzanna aus Polen (sind schon seit August hier und sprechen sehr, sehr gut dänisch), Mitko und Daniela aus Bulgarien (haben seit 3 Jahren Skandinavistik in Sofia studiert), Karina aus Peru, Amine aus Marokko (lebt schon seit 10 Jahren in DK), Let aus Albanien (Ein sonderbarer Kerl, taucht irgendwie nur jedes dritte Mal auf) und Elfa und Unnur aus Island (Elfa spricht schwedisch und Unnur kann auch relativ gut dänisch, halt mit einem sehr isländischen Akzent).

B-Fag: Amerikansk Politik

Hier geht es um die Politik in Amerika, natürlich mit Schwerpunkt Präsidentschaftswahlen. Hauptsächlich erklärt Mads, unser Lehrer, etwas und stellt Fragen. Oder wir stellen Fragen, denn das Ganze ist ziemlich kompliziert. Das ist das Fach, in dem ich so ziemlich am passivsten bin, da ich erstens schon mal etwas Mühe habe, bei all den komplexen Zusammenhängen mitzukommen, geschweige denn etwas Schlaues beizutragen, aber das kommt dann schon noch, da bin ich mir sicher :D

C-Fag: Rytmisk Sammenspil

"Rhythmisches Zusammenspiel" ist der Wahnsinn. Wir sind 10 Leute und nur die wenigsten haben eine Ahnung, wie man mit Instrumenten umgeht *g*. Zuerst haben wir mal eine Rotation zu "Hey Jude" gemacht, d.h. alle konnten mal alle Instrumente spielen (+singen) und konnten für alle Instrumente die Akkorde lernen. Dann haben wir begonnen Kim Larsens "Blaffersangen" einzustudieren. Ich bin Keyboarderin und das macht Spass. Heute sind wir noch weitergegangen, wir üben jetzt "Something to Talk About" von Bonnie Raitt, ich bin dieses Mal Background Sängerin (Mette, unsere Lehrerin findet ich singe gut...naja wenn sie meint...). Auf jeden Fall macht es unglaublich Spass...HA jetzt kann ich auch sagen, ich hätte mal in einer Band gespielt. Freue mich schon, wenn wir auftreten können.
Noch mit dabei sind: Ulrik, Julie, Amine, Elfa, Unnur, Maja (sie ist Frontsängerin, singt unglaublich gut), Liv, Lotte, Nete

D-Fag: Kina-riget i midten

Ja das Fach um China ist etwas langweilig. Erstens weil ich mich eigentlich gar nicht so sehr für China interessiere und zweitens weil Ole fast die ganze Zeit nur erzählt und das kann nach einer Stunde etwas langfädig werden. Es ist jedoch noch ganz interssant, aber eben...würde ich nicht nochmals wählen. Höchstens wegen Ole...Ole Vind ist der älteste Lehrer hier und auch schon am längsten dabei und irgendwie "richtig härzig"

E-Fag: Amerikansk Film Noir

Ebenfalls ein Traumfach, vor allem für Film Fans, wie mich. Das Thema ist Film Noir aus den USA. Jeden Montag Abend (E-Fag ist immer am Montag Abend um halb 8) schauen wir uns einen Film an und diskutieren anschliessend bei einer Tasse Kaffee darüber. Sehr gemütlich wirklich. Letzten Montag haben wir "Sunset Boulevard" geschaut.

So viel zu dem

MVH
Annika

oder in Anaïs' Sinne Knys, Krus og Kram ;)

15 Minutes of Fame

-Shana- — 2008-01-14T11:43:00Z

So am Wuchenend isch Aktivitäts-wuchenend gsi. S Thema: "15 Minutes of Fame". Am Fritig zobe hämmer als Istig e kleins Turnier gmacht...Naja dr Anders und ich hän nur 9 Pünkt ka im Ganze, im Tischtennis hämmer kläglich verseit, Döggele hämme rnur 6 zu 4 gwunne und Trivial Pursuit hämmer 3 zu 2 gwunne ;) Isch abr sehr luschtig gsi.

Am Samschtig Morge hämmer denn in de Gangruppe e Lied beko zu dem me e Playback-Show het miesse istudiere. Mir hän "Like a Virgin ka". Dr Asbjørn het Madonna gspilt, mir hänen ine rosa Kleidli gsteckt. Denn hämmer dr Mitko als coole Keyboarder gno, D Lotte als Drummerin und d Hanne-Mette isch Bassischtin gsi. Dr Rescht het crazy Background Sängerinne gmimt. Ich zerscht au, doch bim zweite Refrain hani mi wiss-rot Blüemlete Koschtüm-Badmantel abzoge und hane Reel ume Asbjørn-Madonna in unserem blaue Show-Kleid tanzt und drmit zobe alli vom Hocker grisse :D
Brocht hets leider nüt, mir sin nur 4te worde.

Am Nomitag hämmer denn Wettbewerb ka, do het me verschideni Poschte in dr Gruppe miesse löse, zersch e Menschepyramide baue (do hämmer verseit), denn e Gang-Lied istudiere (naaaaja), denn Serviette-Falte für zobe fürs ässe (die Disziplin hämmer gwunne), e Filmquiz (do simmer au nit schlecht gsi, nit z letscht dank mir undem Mitko) und denn no Sternbilder errote (do simmer so mittelmässig gsi). Naja alles in allem hämmer denn dritte Platz gmacht, Folkemøde het gwunne und dörfe dr Wanderpokal (e singende Plüsch-Papagei) in Empfang nä...Abr es git jo no vil so Ganggruppe-Wettbewerb, s nögscht mol machemers denn besser ;)

Jo und denn ebe zobe: D Tisch sin total schön deckt gsi, mit unserne Serviette undeme sehr feine Ässe (sone Brote, brötleti Härdöpfel undere super Sosse). Denn nochher hets wie gseit die verschidene Darbietige ka, und me isch ame usem Lache nüm useko...worschins wärde bald mol d Föteli online si.
Und mis Tanze isch brutal guet ako, ha vo zimlig allne e Rückmäldig überko, ha alli ganz schön beidruckt :D au wenns worschinlig katastrophal gsi isch (Seitenblick zu Annie).

Am Sunntig isch denn fertig gsi (Ajo am Samschtig und Sunntig hets jewils e Brunch gä, so richtig toll, mit Pfannkueche, Speck, Rüehrei, Müesli, Yoghurt, Frücht, selberbackenem Brot usw.).
Denn simmer alli nur no umegläge, hän gshclofe, gläse, sin go dusche odr hän Film gluegt. Am Obe nochem Nachtesse bini no mit e paarne ins Kino in Hillerød go "I am Legend" luege...wääääääk ha ich Schiss ka (bi abr nit die Einzig gsi).

Das wärs für hüt.

MVH
Annika

Bilder:

Mir bim Singe vo unserem Ganglied

Folkemøde zu "Paradise of City" (Anette, Nete)

Marielyst zu "Lækker" (Uffe, Ewelina)

Skåne zu "I Shot the Sherriff Down" (Elisabeth, Eline, Mette, Louise, Siri)

Nordisk Gang zu "Barbie Girl" (Ulrik, Mikkel, Lise, Tine)

Klostergang zu "Like a Virgin" (Signe, Asbjørn, Maria)

Klostergang zu "Like a Virgin" (Johanne, ich (nochdem ich mi Uftritt ka ha ;) ))